17 верасня ў Міжэвіцкай сярэдняй школе прайшоў адзіны ўрок для вучняў 1- 11 класаў у рамках праекта "Я. Мая сям'я. Мая Радзіма" "Дзень народнага адзінства — сімвал гонару і згуртаванасці". Мерапрыемства было прысвечана гістарычнай падзеі, якая адбылася 17 верасня 1939 года, і садзейнічала выхаванню пачуцця патрыятызму і ўмацаванню школьнага адзінства. Дзень народнага адзінства нагадвае нам аб важнасці захавання адзінства і згоды ў нашай краіне. Гэта свята сімвалізуе нашу згуртаванасць і імкненне да міру і ўзаемаразумення, а таксама пераемнасць пакаленняў і непахіснасць беларускай нацыі і дзяржаўнасці. У Дзень народнага адзінства мы не забываем пра значнасць нашай гісторыі і важныя падзеі, такія як уз’яднанне Заходняй і Усходняй Беларусі, якое стала важным крокам на шляху да пабудовы нашай сучаснай дзяржаўнасці. Падчас урока навучэнцы прынялі ўдзел у гістарычным экскурсе і прыйшлі да агульнай высновы: калі мы адзіныя — мы непераможныя!
